തിരുവല്ല: ഡിസംബർ മാസത്തിൽ പുതിയ പാക്കേജുകളുമായി യാത്രക്കാരെ ആകർഷിക്കാൻ തയാറായി ബഡ്ജറ്റ് ടൂറിസം സെൽ. ബഡ്ജറ്റിൽ ഒതുങ്ങുന്ന യാത്രകളാണ് പാക്കേജിൽ ഉൾപെടുത്തിയിട്ടുള്ളത്. സൈലന്‍റ് വാലി, നെല്ലിയാമ്പതി, പാലക്കാട്‌,വയനാട്, മൂന്നാർ – മറയൂർ – കാന്തല്ലൂർ, വാഗമൺ, ഗവി, തുടങ്ങിയ ജനപ്രിയ ടൂർ പാക്കേജുകൾക്കൊപ്പം ഹൌസ് ബോട്ട് യാത്രകൾ, ക്രൂയ്‌സ് യാത്രകൾ എന്നിവയും ക്രമീകരിച്ചിട്ടുണ്ട്. ശബരിമലയിൽ പോകുന്ന അയ്യപ്പഭക്തർക്കായി വിവിധ ക്ഷേത്രങ്ങൾ തൊഴുതു മടങ്ങിവരാവുന്ന രീതിയിൽ യാത്രകൾ ക്രമീകരിച്ചിട്ടുണ്ട്. മുൻ‌കൂർ ബുക്ക്‌ ചെയ്യാൻ കഴിയും.
അന്തർസംസ്ഥാന ട്രിപ്പുകൾ -വേളാങ്കണ്ണി, തഞ്ചാവൂർ, കന്യാകുമാരി, മഹാബലിപുരം, ചെന്നൈ തുടങ്ങിയടത്തേക്കും ട്രിപ്പുകൾ ക്രമീകരിച്ചിട്ടുണ്ട്. ട്രാവൽ ടു ടെക്നോളജി -വിനോദവും വിജ്ഞനവും എന്ന ലക്ഷ്യത്തോടെ സ്കൂൾ കുട്ടികൾക്കായി വ്യവസായശാലകൾ, ചരിത്രസ്മാരകങ്ങൾ, വിനോദസഞ്ചാരകേന്ദ്രങ്ങൾ എന്നിവ കൂട്ടിചേർത്ത് ട്രിപ്പുകൾ ക്രമീകരിച്ചിട്ടുണ്ട്.
തീർത്ഥാടനയാത്രകൾ അയ്യപ്പ ക്ഷേത്രങ്ങൾ (കുളത്തൂപുഴ-ആര്യങ്കാവ് -അച്ചൻകോവിൽ-പന്തളം) പ്രശസ്ത ശിവക്ഷേത്രങ്ങൾ, പിറവം പുരുഷമംഗലം ക്ഷേത്രം,തിരുവല്ലം -ആഴിമല -ചെങ്കൽ, വേളാങ്കണ്ണി, അർത്തുങ്കൽ, കൃപാസനം തുടങ്ങിയ പ്രധാന ആരാധനാലയങ്ങൾ എന്നിവിടങ്ങളിലേക്കുംട്രിപ്പുകൾ ഉണ്ടാകും.
കൂടുതല്‍ വിവരങ്ങള്‍ക്കായി ബഡ്ജറ്റ് ടൂറിസം സെല്ലുമായി ബന്ധപ്പെടുക.
പത്തനംതിട്ട :9495752710, 7907467574 തിരുവല്ല : 9745322009,9961072744, 6238302403,റാന്നി: 9446670952 അടൂർ : 9846752870, 7012720873 പന്തളം : 9400689090, 9562730318 മല്ലപ്പള്ളി : 9744293473 കോന്നി: 9846460020 ജില്ലാ കോഓർഡിനേറ്റർ :9744348037
